Хайрия қилинг.
Ўзбекистон Инсон
Ҳуқуқлари Жамияти тузилганидан бери (1992 йил 2 февраль) Ўзбекистон
расмийлари томонидан мунтазам таъқиб этилмоқда. Жамият Ўзбекистон Адлия
вазирлигига рўйхатдан ўтиш учун олти марта ариза берган, аммо шунга
қарамай рўйхатдан ўтказилмади.
Ниҳоят ташкилот 2008 йилнинг 21
октябрида Ўзбекистонда эмас, Францияда рўйхатга олинди. Ўн етти йил
давомида жамиятнинг 28 нафар аъзоси сохталаштирилган айбловлар бўйича
судланди, 18 киши мамлакатни тарк этишга мажбур бўлди. Айни пайтда
Жамиятнинг 9 нафар аъзоси озодликдан маҳрум этилган.
Жамиятнинг
аъзолари Норбой Холжигитов, Азам Фармонов, Алишер Кароматов, Насим
Исоқов, Йўлдош Расулов адолатга хилоф тарзда узоқ муддатларга
қамалдилар ва уларга нисбатан қийноқлар қўлланилмоқда.
Жамиятнинг
қамалмаган ёки мамлакатни тарк этмаган аъзолари МХХ ва милиция
ходимлари томонидан кузатув ва назорат остига олинганлар (Баҳодир
Намозов - Ўзбекистонда ЎИҲЖни рўйхатга ўтказиш бўйича ташаббус
гуруҳининг раҳбари, Гулшан Қораева - ЎИҲЖнинг
Қашқадарё вилояти
бўлими раиси, Мамир Азимов – ЎИҲЖ Жиззах туман бўлими раиси, Саида
Қурбонова – ЎИҲЖ Жиззах вилояти, Пахтакор тумани бўлими раиси, Нодир
Ахатов - ЎИҲЖ Қарши шаҳри бўлими раиси, Нурали Кўлобов - ЎИҲЖнинг
Қашқадарё вилоятидаги аъзоси). Уларни кўп ҳолларда милиция
участкаларига, прокуратурага, маҳалла қўмитасига сўроққа чақириб, уй
қамоғида сақламоқдалар ва чет эл делегациялари, дипломатлари билан
учрашишга ҳамда пикетларда иштирок этишга ижозат бермаяптилар.
ЎИҲЖнинг Низомида Жамиятнинг асосий фаолияти йўналишлари ва вазифалари кўрсатилган.
5-модда. Жамиятнинг мақсад ва вазифалари
5.1.
Жамият Ўзбекистонда демократия, инсон ҳуқуқларини ҳимоя қилиш ҳамда уни
ривожлантириш ва фуқаровий жамият қуришга кўмаклашишни ўзининг бош
мақсади қилиб олади.
5.2. Жамиятнинг асосий вазифаси – инсоннинг бошпана олиш ҳамда фуқаровий, сиёсий, иқтисодий,
ижтимоий
ва маданий ҳуқуқлари соҳаларидаги халқаро ва регионал конвенция ва
пактларни қўлланиши, ҳар бир инсоннинг ҳуқуқ ва эркинликларини амалга
ошириш ва ҳимоя қилишга кўмаклашиш, адолатсизлик, бошбалдоқлик ва инсон
қадр-қийматини таҳқирлашга қарши кураш устида ишлашдан иборатдир.
5.3. Юқорида келтирилган принциплар, шахс ва омма фуқаровий ҳуқуқ ва манфаатлари
бузилганлиги ҳақида маълумот олган ҳар бир ҳолда ЎИҲЖ улар билан шуғулланади.
Бу
мақсадларга эришиш учун Жамият қуйидаги умумэътироф этилган усуллардан
фойдаланади: Ўзбекистонда инсон ҳуқуқлари ҳақидаги маълумотларни
тўплаш, уларни тахлил қилиш ва тарқатиш.
2009-2010 йиллар мобайнида Жамиятимиз қуйидаги йўналишларни устивор деб билади:
1. Сохта айблар билан, адолатсиз Ўзбекистон судлари томонидан қамалган ЎИҲЖ аъзолари ва
бошқа ҳуқуқбонлар, журналистлар ва мухолифат фаолларини озодликка чиқариш кампаниясида қатнашиш;
2. Ўзбекистонда болалар меҳнатига батамом чек қўйиш кампаниясида қатнашиш;
3. Ўзбекистонда қийноқга қарши кампанияда қатнашиш;
4. Ўзбекистон фуқароларининг эркинликлари учун курашга кенг аҳоли қатламларини жалб этиш.
5. Ўзбекистонда қашшоқлик ва коррупцияга қарши кураш;
6. Ўзбекистон жамиятини ва мухолифатини демократиялаштириш
бўйича тарғибот ва ташвиқот ишларини олиб бориш.
Юқоридаги ишларни амалга ошириш учун сиз Жамиятимизга
қуйидаги ёрдамларни кўрсатишингиз мумкин:
1. Жамиятимизга аъзо бўлиб, унинг фаолиятида актив қатнашингиз;
2. Жамиятимизга молиявий ёрдам кўрсатишингиз.
a)
Оврупа давлатларида, АҚШ, Канадада ва дунёнинг бошка мамлакатларида
яшаётганлар ўз ёрдамларини Association des droits de l’homme de
l’Ouzbekiston номига ёзилган чек ёки «Money order» воситасида
ташкилотнинг қуйидаги адресига юборишлари мумкин:
22, rue du Maine, 49000, Angers, Maine et Loire, France
б) Қуйидаги Жамиятимизнинг Франциядаги хисоб рақамига пул ўтказишингиз мумкин;
Association des droits de l’homme de l’Ouzbekiston
LDH 49, 22 rue du Maine 49100 Angers. Banque: Credit Mutuel. CM Anjou
Saint Serge-Angers. Compte: № 00021451601
|
