Таниқли жиззахлик ҳуқуқ ҳимоячиси Бахтиёр Хамроев, АҚШдаги сиёсий эмиграциядан келган Баҳодир Чориев ва унинг ҳамкасби Дилором Исҳоқова билан бирга машинада ўтирганида милиция ходимларидан насибасини олди.
Ҳамроевнинг айтишича, уларнинг машинасини ўнтача фуқаролик кийимидаги ички ишлар ходимлари ўраб олишди. Кейин улардан бири, қирқ ёшлар атрофидаги эркак, машинага яқин келиб Ҳамроевга юзланди ва машинани олишни талаб қилиб, уни белгиланмаган жойда қўйилганлигини айтади.
Бир дақиқа ўтгач бу одам унга қўл кўтаради, машина эшигини очиб, Ҳамроевни ташқарига судрай бошлайди. Дилором Исхоқова уни тўхтатишга ҳаракат қилиб, унинг бунга ҳаққи йўқлигини айтади. Шунда эркак, Ҳамроевнинг айтишича, унинг жуссасига бир неча бор қаттиқ зарба беради.
Мамир Азимовнинг аҳволи ундан ҳам баттар эди. Чориев ва Исхоқова билан сўрашиб бўлиб, тоби қочганидан у уйига қайтади. Бироқ у уйига кирар кирмай, Жиззах милицияси ходимлари келиб уни бўлимга олиб кетишади.
"Мени иккитаси хонага олиб кирди ва дўппослай бошлади. Бошимга уришди, бутун аъзойи баданимга орқадан олдиндан зарба беришди. Фақат юзимни қолдиришди, афтидан из қолдиришни исташмадт”, - дейди касалманд заиф бир оҳангда Мамир Азимов.
Калтаклаш бир соатча давом этади. Ўз муштлари зарбини Азимовнинг баданида синаб кўрган шахслар Жиззах туман милицияси ходими Жаҳонгир Исмоилов ва жиноий қидирув бўлими бошлиғи, Нурилло исмли туман милицияси бошлиғи ўринбосарларидир.
Милиционерлар уриб чарчаганларидан кейин, Мамир Азимовга оёқларини елка кенглигида очиб курсининг икки оёғидан ушлаб боши узра кўтариб қимирламай туришни буюришади.
"Калтаклар зарбидан менинг қўлларим ва бутун аъзои баданим оғриётганди, мен курсини тушурсам, улар тағин менга таҳдид солиб бақиришарди”, - дейди Азимов.
Курси қийноғи бир соатча давом этди. Кейин ҳуқуқ ҳимоячисининг
Баҳтиёр Ҳамроев |
"Бирдамлик” ҳаракати лидери АҚШдан Ўзбекистонга, ўзининг билдиришига кўра мамлакат ҳукумати тазйиқларига учраётган сафдошларини қўллаб қувватлаш учун октябрда қайтганди. "Бирдамлик” ҳаракати, ўз фуқаролари эркинликлари ва ҳуқуқларини чеклаб келаётган президент Ислом Каримов режимининг нозўровон ва тинч йўл билан ўзгариши учун ҳаракат қилаётган ташкилотдир.
Uznews.net