Бугун "қандай қилиб Моника Белуччи € 190 минг эвазига ўзбек диктатурасига сотилгани” ҳақидаги мақолани 46 минг нафар одам ўқиди ва деярли 150 та шахс, сешанба куни чоп этилган бу мақолага ўз изоҳини қолдирди.
Бу мақоланинг ва унга беҳисоб изоҳларнинг ёзилишига, шу йилнинг 8 апрелида Ислом Каримовнинг кенжа қизи Лола Каримова ва машхур актриса Моника Белуччи иштирокидаги бир зиёфат юзасидан француз ҳафталик нашри «Bakchich.info» («Пора.инфо») томонидан уюштирилган журналистик суриштирув сабаб бўлди.
Маълум бўлишича, франко-италён киноюлдузининг «Ўзбекистон - 2020» ҳайрия жамғармаси тадбирида қатнашиши учун Ўзбекистоннинг ЮНЕСКОдаги элчиси Лола Каримова-Тилляева € 190 минг тўлаган. Ушбу зиёфат юзасидан тузилган битимда ҳеч бир матбуот билан ушбу нонушта ҳақида шартнома қилмаслик шартига хилоф тарзда бу келишув элга ошкор бўлди.
Таққослаш учун, «Bakchich.info» Катрин Деневга «Диор» фирмаси буюмлари тақдимотида қатнашгани «Франс-1», – жаъми 11 минг евро берганини келтиради.
Юқорида келтирилган зиёфатда шунингдек таниқли француз актери ва режиссер Ален Делон, президент Николя Саркозининг
Белуччи, Каримова ва Бельгия қироличаси; Flickr.com |
Шунингдек, тақдимотда иштирок этиш "Қиролича Марго” фильми орқали танилган актриса Изабель Аджанига ҳам таклиф этилган, бироқ у қатнашмаган. «Bakchich.info»нинг ёзишича, «Ўзбекистон президентининг қизи ўз отаси даврида юлдузлар овчиси ролини ўтамоқда».
Эндиликда популяр француз сайти «Rue89.com» қисман, жаҳон миқёсидаги юлдузлар чўнтагини Ўзбекистон ҳайрия жамғармаси ҳисобидан тўлдирилиши имкониятлари ҳақида баҳс юритади.
«Бизнинг юлдузларимизни кўпроқ ишлашга мажбур қилиш керак. Агар Моника Белуччи кунига 24 соат ишласа, йилига 416 млн. евро ишлайди», - дея таклиф этади «Rue89.com» ўқувчиси.
«Албатта, буни ҳайрия дея аташ нотўғри. Бироқ бу диктаторнинг дубулғасига тупуриш имконини беради. Шу йўл билан ишлаб топган пулларини Моника ҳақиқий ҳайрия йўлида сарфлаши мумкин», - дея ёзади шу сайтнинг бошқа бир ўқувчиси.
Бироқ у, афтидан, Ўзбекистон президенти
Моника Белуччи; фото: Flickr.com |
Юқорида номи келтирилган юлдузларнинг гонорарлари, шунингдек Париж шаҳри марказидаги замонавий санъат Музейида бўлган зиёфат ҳаражатларини ҳисоб китоб қилса, Ўзбекистон халқи чўнтагига етган зиённи тасаввур қилиш даҳшатли. Унга негадир ҳайрия бўёғи берилмоқда, бироқ бу ҳайриянинг кимга кўрсатилаётгани тушунарсиз.
Сайтнинг билдиришича Каримова-Тилляева, «Ўзбекистон - 2020» жамғармасини Ўзбекистон ва Ғарбий Европа ўртасида маданий ва интеллектуал алоқаларни йўлга қўйиш мақсадида тузган, шунингдек Ўзбекистондаги болаларни қўллаб қувватлаш, уларнинг тарбияси ва ривожи билан шуғулланиш унинг мақсадларига киради. Бу мақсадларга 2020 йилга қадар эришилиши керак, жамғарма номи шундан келиб чиққан.
Uznews.net