Амстердамдаги анжумандан мақсад Ўзбекистондаги вазиятга назар ташлаш ва ечимлар излаш эди
Луиза
Искандарий, Амстердам-Лондон
Яқинда Амстердамда "Ўзбекистон: Унутилган мустабидлик” мавзусида халқаро анжуман бўлиб ўтди.
Анжуман ташаббускори, мустақил матбуотни қўллаш йўлида фаолият юргизувчи "Press.Now" ташкилотига кўра, ушбу анжуманни ўтказишдан
мақсад - ташқи дунё учун Ўзбекистондаги вазиятга назар ташлаш имконини берувчи дарча очиб бериш эди.
Ўзбекистонда
мавжуд сиёсий ва ижтимоий муаммоларни ёритиш йўлида санъат ва
адабиётнинг ўрни, болалар меҳнатидан фойдаланишни тўхтатиш йўлларини
излаш, шунингдек, Ҳолландия ташқи сиёсати ва матбуотида Ўзбекистонга не
қадар эътибор берилаётганлигини ўрганиш бир кунлик анжуман мобайнида
кўриб чиқилган қатор масалалардан бўлди.
Анжуманда
Австрияда яшаб, ижод қилаётган шоир Ёдгор Обид, Россияда фаолият
юритаётган кинорежиссёр Юсуф Розиқов, Ҳолландия Ташқи Ишлар вазирлиги
вакиллари, қатор халқаро ташкилотлар намояндалари ва Ҳолландияда яшовчи
ўзбекистонликлар иштирок этдилар.