Оммавий ахборот воситаларига, манфаатдор ташкилотлар ҳамда шахсларга мурожаат қиламиз
 2009 йил, 15 декабр
Ўзбекистонда қийноқлар тўхтатилсин! Аёлларга нисбатан зўравонлик тўхтатилсин!
2009 йилнинг 16 декабр куни соат 10.00 дан 12.00 гача Стокголмдаги
Medborgarplatsen (Фуқаролар майдони) да "Ўзбек оналарига озодлик!”
жамоатчилик тадбири бўлиб ўтади.
Тадбир ташкилотчилари матбуот ва жамоатчилик эътиборини Ўзбекистонда
авж олиб кетган мусулмонларни оммавий ҳибсга олиш кампаниясига
қаратмоқчилар. Бу жараён ҳатто эмизикли боласи бор оналарга нисбатан
ҳам мудҳиш қийноқлар қўллаш ва айбловлар сохталаштириш орқали кечмоқда.
Ўзбекистондан келаётган сўнгги хабарлар кишини даҳшатга солади.
Тадбир қатнашчилари демократик ҳамжамиятнинг қўллаб-қувватлашига эришиш
ҳамда Европа Иттифоқи ва АҚШнинг Марказий Осиёда виждон эркинлигини
ривожлантириш ишидаги алоҳида ўрнини таъкидлаш умидидалар.
Иштирокчиларнинг мурожаатномаси Швеция ҳукумати ва парламентига
йўлланади. Барча манфаатдор ташкилотлар ва шахслар унинг мазмуни билан
таниша оладилар.
Биз ушбу тадбирнинг барча қатнашчилари ва кузатувчиларидан
бир-бирларига ҳурмат кўрсатишни ва қабул қилинган тартибга риоя қилишни
илтимос қиламиз.
Бефарқ бўлманг! Ўзбекистондаги зўравонлик ва дискриминация қурбонлари ҳимояси учун ўтказилаётган тадбирни қўллаб-қувватланг.
Батафсилроқ маълумотни қуйидаги рақамлар орқали олишингиз мумкин:
Телефонлар:
+46 704 81 23 88 (ўзбекча)
+46 730 63 74 99 (шведча)
+46 700 44 82 57 (инглизча)
Электрон почта адреси:
hasan.temirov@gmail.com
Швецияда яшаётган ўзбекистонлик қочқинлар ташаббус гуруҳи
| 
