Баҳодир Чориев қариндошига суиқасд уюштирилди
30
декабр куни "Бирдамлик” ҳаракати етакчиси Баҳодир Чориев синглисининг
турмуш ўртоғи Нурмуҳаммад Нурхонов номаълум кишилар томонидан пичоқлаб
кетилган.
Воқеа содир бўлган куни Шаҳрисабзда ўз уйидан шахсий машинасида
йўлга чиққан Нурмуҳаммад номаълум кишилар автомашинаси томонидан
исканжага олиниб тўхтатилади.
Номаълум кишилар уни машинасини ўраб олишади, автомабил салонидаги Нурмуҳаммадни эса ҳеч бир сабабсиз калтаклай бошлашган.
Нурмуҳаммад безориларга ўзини қўйиб юборишлари ва калтаклашни
тўхтатишларини талаб қилади. Лекин улар бунга қанаот қилмай уни ҳаётига
таҳдид қила бошлашади. Нурмуҳаммад машинадан тушишга мажбур бўлади. Шу
пайт орқа томондан қандайдир киши келиб буйнига ва юзига пичоқ уриб уни
оғир яралаган.
Бу воқеадан кейин Нурмуҳаммад оғир аҳволда касалхонага ётқизилган. Шифокорлар уни аҳволини жуда ёмон дейишмоқда.
"Бирдамлик” ҳаракати раҳбари Баҳодир Чориевга кўра ҳанузгача
жиноятчилар утсидан бирор тезкор ҳаракат ёки тергов ишлари олиб
борилмаган. Жиноятчилар ҳозиргача озодликда юрибди.
-Биз бу ҳодисани тасодиф бўлса керак деб ўйлаган эдик, маълум
бўлишича бу ҳукумат томонидан атайин уюштирилган экан,-дейди Б.Чориев.
Номаълум кишилар ҳеч нарсадан тап тортмай нотаниш одамга пичоқ уриши
тасодифий эмас. Олдиндан уюштирилган бу жиноят ортида ҳукумат тургани
аниқ.Баходир Чориев Ўзбекистонга қайтиб бориб ҳуқуқ тартибот ва
хавфсизлик ходимлари қаршиликларига қарамай "Бирдамлик” ҳаракати
Қурултойини ўтказишга муяссар бўлди. Бу ҳаракатлардан ташвишга тушган
ҳукумат куч билан Чориевни Ўзбекистондан чиқариб юборишгача бориб етди.
Энди эса уни куёвига нисбатан суиқасд уюштирилди.
-Ҳукуматнинг бу ҳаракатлари мухолифатга ва мухолиф қарашдаги
кишиларга нисбатан тоқатсизлигини кўрсатади. Бу қўрқитиб қўйиш амалидан
бошқа нарса эмас. Ҳукумат шу йўл билан "Бирдамлик” фаолиятига тўсиқ
қўймоқчи,-дейди Баҳодир Чориев.
Инсон ҳуқуқлари ташкилотлари ва халқаро демократик ҳамжамият бу воқеага нисбатан ўз муносабатларини билдиришар деган умиддамиз.
"Бирдамлик” ҳаракати Матбуот Маркази.
2010 йил, 5 январь, АҚШ.
|