Франция тажрибаси Швецияга керакми?
 Куни
кеча дунёдаги етакчи ахборот воситалари, жумладан BBC NEWS Франциядаги
бир масжид имомини динлараро адоват қўзғаганлиги учун мамлакатдан
чиқариб юборилгани ҳақида хабар тарқатди.
Францияда яшаб келган Мисрлик руҳонийнинг мамлакатдан чиқариб
юборилишига уни ғарбга қарши берган баёнотлари ва динлараро адоват
қўзғовчи фикрлари сабаб бўлган. Франция Ички Ишлар вазири Брис
Ортефенинг маълум қилишича, Париж яқинидаги масжид имоми бўлган Али
Иброҳим ал Суданий узоқ йиллар давомида ғарб жамияти қадриятларини
ҳақорат қилиб келган ва зўравонликнинг тарғиботчиси бўлган. Исёнкор
имом ўз ватани - Мисрга қайтариб юборилган.
Ал-Суданий билан бўлган воқеа ягона ҳодиса эмас. Баъзи
маълумотларга кўра кейинги 10 йил ичида Франциядан 29 нафар ислом
уламолари чиқариб юборилган. Уларни депортация қилиниши сабаби радикал
сўзлари ва чақириқларидир.
Вазир Ортефенинг айтишича, экстремистик кайфиятдаги имомларнинг
мамлакатдан қувилиши келажакда ҳам давом этади. Унинг фикрича, Франция
бошқа динларга ва қадриятларга нисбатан нафрат уйғотадиган жой эмас.
Кейинги йилларда бу муаммо жуда кўп мусулмон жамоалари истиқомат
қилаётган Францияда долзарб бўлиб бормоқда. Бундай экстремистик
кайфиятдаги мусулмонлар асосан Мароко, Алжир ва Тунис каби Африка
давлатларидан келган муҳожирлардир, деб хабар қилади BBC NEWS.
| 
