Маст милиционер Тошкентда иккита қўшнисини дўппослади Uznews.net
19.02.10 - 17 феврал куни кечқурун Тошкентнинг Тузел мавзейида милиция ходими
Фарход Рахимов, ўз қўшниларини — ҳомиладор аёл Дилфуза Ашурова ва унинг
эри Бойназар Қўйлиевларни калтаклади.
29-ёшли Фарход Рахимов, Тошкент ШИИБ болалар махсус қабулхонаси
навбатчи ходими, шу куни Тузел мавзейидаги ўзининг уйида меҳмонларни —
ўз хизматдошларини қабул қилаётган эди.
Рахимов меҳмонларга «кўксини очиб» хизмат қилди. Кайф бўлиб қолган
милиционернинг кўзи, меҳмонларни кузатганидан кейин, Зулайҳо исмли
қўшни қизга тушди, нимагадир унга у ёқмади. Ширакайф миршаб қизга
хиралик қила бошлади.
Зулайхога унинг ота оналари ёрдамга ошиқишди. Рахимов унинг онасига,
Дилфуза Ашуровага ташланди ва уни бир неча бор урди. Аёл йиқилганида,
пагон таққан безори унинг бошини асфальтга ура бошлади.
Қизнинг отаси Бойназар Қўйлиев бу вақтда ўз хотинини ҳимоя қилишга
ошиқди, бироқ, тасодифан воқеа гувоҳи бўлган тошкентлик ҳуқуқ ҳимоячиси
Елена Урлаеванинг айтишича, милиционер ўта забардаст, Қўйлиев ҳақида
эса бундай деб бўлмасди.
Кучлар мутлақо тенг эмас эди ва бечора аёл ҳушидан кетиб йиқилгач, унинг эри таъзирини еди.
Урлаева ва унинг Ўзбекистон ҳуқуқ ҳимоячилари альянсидаги ҳамкасби
Саломат Бойматова, Қўйлиевдан милиционернинг жанжалини ҳазил ўрнида
қабул қилмасликни сўрашди. Улар тез ёрдам ва милиция чақиришди.
Тез ёрдам шифокори, Ашуровни кўриш учун уни шифохонага олиб боришди, аёл эса ҳамон шифохонада қолмоқда.
Урлаеванинг маълумотига кўра, Рахимов милиция таянч пунктида ушланмоқда.
Uznews.net
|
