Самарқанд: Сиёб бозоридагилар иш ташлашди
 Самарқанд шаҳридаги энг йирик деҳқон бозори - Сиёбдаги бир мингга яқин сотувчилар икки кундан буён бозорга чиқишмаяпти. Савдогарлар чек ва бошқа тўловлар нархи баландлаб кетгани боис савдо қилмасликка қарор беришган.
Самарқанд вилояти ҳокими Ўктам Барноев ўтган ҳафта вилоят "Бозорларида савдо майдони, чек ва бошқа хизматлар тарифини ўзгартириш
ҳақида қарор"ни имзолаган эди.
Мазкур қарор ортидан бозордаги тўловлар нархи бир неча баробарга оширилган.
Бозорчиларга кўра, баъзида икки-уч бараварга қимматлаган тўловлар ортидан улар умуман фойда кўрмай қоладилар.
Бозорда ишловчиларнинг айтишларича, ҳозирга қадар минг сўм бўлган кундалик чипталар бирданига уч ярим минг сўм қилиб белгиланиши
уларнинг норозилигини уйғотган.
"Бозордан кўрадиган даромадимиз бир рўзғорни тебратишга зўрға етиб турганди," дейди савдогарлардан бири.
Унинг таъкидлашича, патент ва транспорт тўловлари ҳамда тарози ижараси алоҳида-алоҳида этиб белгиланган.
"Қолаверса, бозор раҳбарлари, санитар шифокорлар, паттачию тиланчиларнинг ҳафталик харажатлари ҳам бизнинг зиммамизда," дейди
ширинлик билан садо қилувчи йигит.
Қуруқ
мева билан савдо қилувчилар учун кундалик бозор паттаси нархи 8.5 минг
сўм, қассоблар учун эса 11 минг сўм этиб белгиланган.
Кузатувчиларга кўра, Самарқанд бозорларида давлат тўловлари шаҳарда олиб борилаётган қурилиш ва ободонлаштириш ишларига сафарбар
этилади
| 
