|
|
 |
|
 |
Главная » 2010 » Август » 20 » Россия Америка курашига майдон бўлган Қирғизистоннинг бугунги фожиалари
17:13 Россия Америка курашига майдон бўлган Қирғизистоннинг бугунги фожиалари |
Россия Америка курашига майдон бўлган Қирғизистоннинг бугунги фожиалари
2005 йил Курманбек Бакиев ҳокимиятга Россия федерациясининг қўллаб қувватлови орқали куч билан келиб қонуний президент бўлган эди.
2010 йилга келиб Бакиев сиёсатида Америкага нисбатан кескин мойиллик сезила бошлади. Шу сабаб Россия Бакиевни 2010 йил 8 апрел куни ағдариб ташлаш орқали уни жазолади. Унинг ўрнига янги муваққат ҳукуматни ҳокимият тепасига куч ва қон билан олиб келди. Шу билан Россия Қирғизистонда пайдо бўла бошлаган муаммосини ҳал қилгандай бўлди. Энди унинг олдида Ўзбекистондаги Каримов ва унинг Россия билан алоқаларини узиб Америка етовига юра бошлагани масаласи қолган эди. Ўзбекистон ОДКБнинг 2009 йил 29 августда ўтказилган ҳарбий манёврларида қатнашмаганлиги уни бу ташкилотдан (Америка маслаҳати билан) яқинда мутлақ чиқиб кетиши мумкинлигини англатар эди. Бундан ташқари Ўзбекистон Қирғизистоннинг жанубида яна битта рус ҳарбий базасининг жойлаштирилишига ўз қаршилигини эълон қилди. 2009 йил 18 августда Америка генерали Петриус билан учрашувида эса Ўзбекистоннинг конструктив ҳамкорликка тайёр эканлигини билдирди. Каримовнинг юқоридаги ва шунга ўхшаш ҳатти ҳаракатлари Россиянинг бошини қотирди. Россия Ўзбекистон учун бир муаммо пайдо қилмоқчи бўлди. Шу мақсадда Қирғизистондаги малайларини ишга солиб ўзбеклардан иборат катта сонли қочқинларни Қирғизистондан Ўзбекистонга кўчирадиган бўлди. Чунки бунда шу муаммони ҳал қилиш мақсадида ОДКБ орқали аралашиш учун Россияга тайёр оқловчи баҳона пайдо бўлар эди. Бу муаммо кучли бўлгани боис Ўзбекистон уни ҳал қила олмай яна ОДКБга қайтишга мажбур бўлар эди. Табиийки унга Россия бошчилик қилади. Россия шу йўл билан Каримов жиловини қўлга олмоқчи бўлди. Россиянинг кўзлаган мақсади аниқ, лекин бунга ҳамкорлик қилаётган Қирғизистондаги малай, хоин ҳокимларнинг ва яна баъзи кучларнинг мақсади-чи? Улар ўзаро ички низолардан қутилиш яъни қирғизларни бириктириб шимол-жануб масаласидан қутилиш, парламент сайловларидан аввал ўзбекларни сиёсий майдондан суриб чиқариш, пойтахтни Ошга кўчириш баҳонаси билан шаҳар марказидан ўзбекларни суриб чиқариш каби мақсадларини амалга ошириш йўлида сиёсатчилар, юристлар, куч структуралари, бандитлар ҳаммаси бир тану бир жон бўлиб, бир йўналиш бўйлаб ҳаракатда давом этишмоқда.
Россия ўз югурдаклари ҳамкорлигида содир этган бу даҳшатли ваҳшиёна ишларни икки халқ ўртасидаги қир-пичоқ деб бўлмайди. Бу қирғиз ҳукуматининг ўз халқига нисбатан қилган кўппакларча хиёнатидан бошқа нарса эмас. Нью-Йорк Таймс газетасининг 2010 йил 16 июндаги сонида БМТнинг инсон ҳуқуқлари бўйича расмий вакили Роберт Колпилнинг айтганидек «бу даҳшатли фожеалар олдиндан келишиб, яхшилаб режалаштирилган, йўналтириб турилган. Бу тажовузлар ва этник зўравонликлар тўсатдан, тасодифан келиб чиққан эмас».
|
|
Категория: СИЁСАТ |
Просмотров: 1500 |
Добавил: eldar
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
 |
Copyright MyCorp © 2024 |
 |
|
|
