Илтимос, бизга ёрдам беринг!
October 14th, 2010
Дилноза Аҳмедова
Ассалому алайкум.
Мен сизлардан 2001 йилда қамалган дадам Аппаков Абдуллони ишини қайта
кўриб чиқилишига ёрдам беришларингни сўраб умид билан хат ёзаяпман.
Дадам "Хизб ут-Таҳрир”га алоқадор деб, 8 йилга озодликдан маҳрум
этилган эдилар. Белгиланган 8 йиллик қамоқ муддатини тўлиқ ўтаб
бўлдилар. Ҳозир билсак дадамга яна 3 йил қўшиб беришибди. Сабабини эса
айтишмади. Дадамга қандай ёрдам берса бўлади? Илтимос шу иш бўйича бизга
ёрдам беринглар!
Дадамни соғлигидан қаттиқ хавотирдаман. Амаким ёзда кўргани
борганларида дадамни қаттиқ касал эканликларини кўрган. Кўзларини яхши
кўрмаётган экан. Сентябр ойида боришганида эса дадамни кўрсатишмабди.
Жуда қаттиқ хавотирдамиз. Нима сабабдан дадамга яна 3 йил қўшиб
беришган? Нима сабабдан кўрсатишмаябди? Ҳалигача тушуна олмаябмиз.
Олдиндан катта раҳмат!
Дадамга бағишлаб ёзган "Оллоҳнинг қули” номли шеъримни юбораяпман.
Ассалому алайкум дадажонгинам.
Кўзларимиз нури меҳрибонгинам.
Оллоҳни дедингиз, Хизб бўлдингиз,
Саккизинчи жаннатга эга бўлдингиз.
Оллоҳга суюклик банда бўлдингиз,
Муҳаммадга яқин уммат бўлдингиз.
Биз сиздан хурсандмиз, ҳамиша хурсанд
Биз сиздан розимиз, умрбод рози.
Яхши йўлга бошландингиз, ёмон йўлгамас,
Яхшилик қилдингиз, ёмонлик эмас.
Сизни кўролмаганлар ҳасад қилишди,
Дилингизга бир оз озор беришди.
Сабр берди бизга ҳам суюклик Оллоҳ,
Баракасин берябди кечиримли зот.
Уйимиз ҳувиллаб қолдику сизсиз,
Қачон келасиз дадажонимиз?.
Биз сизни кутамиз, сабр қиламиз,
Тез кунда кўришмоқликка умид қиламиз.
Бўлингиз доимо сабр-тоқатлик,
Биродарларингизга соғлик, омонлик.
www.yangidunyo.com
| 
