Миллий Мажлис ҳақида
Бу Баҳодир Файз деган одам шундай катта нарсага қўл урибдию аммо
МУХОЛИФАТ Тарихини яхши билмагани ва керакли барча адабиётлардан
фойдаланмагани учун жуда кўп нарсаларни бузиб, яқин тарихни ўз билганича
талқин қилиб, катта бир савоб ишни расвои радди қилибди.
Энди бу
расво қилинган нарсани бутун дунёга тарқатиб уни ўзи ҳам, буларни
тарқатаётганлар ҳам расво нарсани дунёга ёйишга ҳиссса қўшмоқдалар. Мен
бу нарсаларни ичидан бир жойини мисол келтираман холос:
Бу
одам мен асос солган ва кейин бу масалани ривожлантириб,
Ўзбекистондаги барча (!!!) жамоат ташкилотларини ўз даврасига тортган
Миллий Мажлис масаласида шундай ёзибди:
"МИЛЛИЙ МАЖЛИС”
Бир нечта узоқни кўра олмайдиган кишилар «Миллий мажлис” деган
акцияни бевақт ва бемавруд кун тартибига олиб чиқишди. Уни тузиш
таклифига Бобир Шокиров деган бизнесмен асос солган бўлса-да, лекин
ундан асосан «ЭРК” ва "Бирлик”чилар зарар кўришди. 1992 йил июл ойининг охирларида «ЭРК” партияси котиби Отаназар Орипов,
Президиум аъзоси Саловат Умурзоқов ва "Бирлик” Халқ Ҳаракати Тошкент
вилоят раиси Ҳазратқул Худойбердиевлар ҳибсга олиниб, қамоққа
ташландилар.
Муҳаммад Солиҳ бу ноаниқ ва тушуниб бўлмас «Мажлис”га бошиданоқ
қўшилмаган бўлса-да, лекин унга ҳам бу борада айб эълон қилишди. 1992
йилнинг кеч кузида ундан Тошкентни тарк этмаслик ҳақида тилхат олишди…"
Ия,
сиздан қаёқдан била қолдингиз бу масалани "бемаврид" эканини ва унга
қўшилган (шу жумладан Муҳаммад Солих ҳам! Эрк партияси номидан вакил
бўлиб унинг Бош котиби Отаназар Орипов сайланган) Бирлик, Эрк, Озод
Дехқонлар ва бошқа яна 10дан ошиқ ташкилотлар вакилларини "узоқни кўра
олмайдиганлар" деб баҳолашга? Каримов ҳукумати ҳам сизга ўхшаган илмсиз тирранчаларни ўз атрофига тўплаб олиб ана шунақа мақолалар ёздириб, мустақиллик, демократия масалаларини ҳам "бемаврид" деб аташган ўз вақтида.
Бунақа
одамлар ёзган тарих инсонларни ҳақиқатдан чалғитади ва асл тарихни
бузиб кўрсатиб инсонларда нотўғри тасаввурлар ҳосил қилишга ҳизмат
қилади.
Кариммов одамлари ҳам айни йўлни тутадилар. Улар Каримовни
мустақилликни асосчиси деб тарғиб қилишади ҳолбуки бу қип қизил
коммунист мустақилликка тиш тирноғи билан қарши бўлган одамларнинг
биринчиси ва йўлбошчиси эди.
Агар Миллий Мажлис ҳақида биламан
десанглар Евгений
Дьяконов ёзган кичик документал материални, Амнисти Интернационал,
Хъюман Райтс Вотч ёзган тарихий фактларни ўқиб кўринглар. Улар бу
Б.Файздан фарқли ўлароқ бу масалага холисанилло ёндошишган. Ана ундан
кейин хулоса қилинглар, Миллий Мажлис нима экану унинг асосий мақсад ва
вазифалари нима экан, у ўз вақтида тузилган нарса эканми ёки йўқми. Агар
бу масалалар ҳақида етарли тушунчангиз бўлмаса, у холда бекорга
алжираманг. Донишмандлар айтишганки гоҳида бетайин нарсалар ҳақида оғиз
очгандан кўра жим турган маъқул деб.
Мана бу иловада айрим хужжатлар бор:
http://uzbek-people.narod.ru/price.html
Ҳазратқул Худойберди
"Миллий Мажлис" ғоясини асосчиси, шу номдаги ишчи гуруҳнинг аъзоси.
(Бобир
Шокировни бу Ишчи Гурухга раис қилиб сайлашни мен ва Саловат Умрзоқов
таклиф қилганмиз. Сабаби бизга бирор партия, ташкилот ёки ҳаракат аъзоси
бўлмаган мустақил бир сиёсатчи керак эди, унинг барча бу Гуруҳга аъзо
ташкилотларга бирдек муносабатда бўлишини таъминлаш учун. Бу нарсаларни
фаросатли одам тез тушунади, бефаросатлар
эса оғзига келганини алжирайди холос).
|
