Ўзбекистон Ташқи ишлар вазири ўзгарди
Владимир Норов Ташқи ишлар вазири биринчи ўринбосари этиб тайинланган
Ўзбекистон Президенти Ислом Каримов янги Ташқи ишлар вазирини тайинлаш борасидаги фармонга имзо чеккан.
28-декбардан бошлаб мазкур лавозимни бош вазир
ўринбосари ва Ташқи иқтисодий алоқалар, инвестиция ва савдо вазири Элёр
Ғаниев эгаллаган. Президент фармонига биноан у Бош вазир муовини
сифатидаги вазифасини ҳам сақлаб қолган.
2005 йилдан 2006 йилгача қисқа муддат у ташқи
ишлар вазири бўлиб ҳам ишлаган. 2006 йил июль ойида Элёр Ғаниев
Ўзбекистон ташқи иқтисодий алоқалар, инвестиция ва савдо вазири этиб
тайинланганди.
2006 йил 12-июлидан бери ушбу вазифани бажариб келган Владимир Норов Ташқи ишлар вазири биринчи ўринбосари этиб тайинланган.
Унгача охирги ўн йил мобайнида Владимир Норов ё
Ташқи ишлар вазирининг ўринбосари, ё Оврўпо давлатларидаги Ўзбекистон
элчиси сифатида фаолият юритиб келганди.
Ташқи иқтисодий алоқалар, инвестиция ва савдо
вазири этиб Галина Саидова тайинланган. У аввал Иқтисодиёт вазири
ўринбосари сифатида фаолият юритган.
Ўзбекистон ҳукуматидаги ўзгаришлар нимадан
далолат бериши мумкин, деган саволга Ўзбекистондаги сиёсатни яқиндан
биладиганлар, бу Ўзбекистонда ҳеч нарсани англатмайди, дея жавоб
қайтаришади.
Суҳбатдошимиз собиқ дипломат Тошпўлат Йўлдошев:
| 
