Ҳиндистонда Ўзбекистоннинг уч фуқароси фоҳишаликда айбланиб қўлга олинди Uznews.net
- Ҳиндистон пойтахти Делҳи полицияси ўтган ҳафтада бешта аëлни
фоҳишалик билан шуғулланганлик айби билан қўлга олди. Уларнинг учтаси
Ўзбекистон, иккитаси Қирғизистон фуқароси бўлиб чиқди.
"Times of India” газетасининг хабар беришича, 2 феврал куни Лажпат Нагар
туманида бир гуруҳ аëллар қўлга олинган. Уларни қўлга олиш операциясини
Делҳи полицияси жиноят қидирув бўлимининг махсус тергов гуруҳи
ўтказган.
"Ҳамма қўлга олинганлар 20 ëшдан сал ошган. Кундуз кунлари улар модел
бизнеси билан шуғулланишган. Ҳиндистонга улар сайëҳлик визаси билан
келган”, дея иқтибос келтиради "Times of India” газетаси полициядаги
манбага таяниб.
Қўлга олинган бу аëллар Ҳиндистонга биринчи марта 3-14 октябрда бўлиб
ўтган XIX Британия ҳамдўстлиги ўйинлари даврида келишган. Кейин улар
анча даромадли иш топиб келишда давом этишган.
"Айбланаëтганлар мижозларни фақагина тавсия орқали топишган. Улар
мижозларининг дам олиш кунлари шаҳардан ташқаридаги резиденциясига олиб
кетишларини хоҳлашган. Улар фақатгина келишув учун 5000 рупий (110 АҚШ
доллари) талаб қилишган. Улар ўз хизматлари учун кунига 25 мингдан 50
минг рупийгача (550-1100 АҚШ доллари) олишган”, дейди газетага
полициядаги манба.
Қўлга олинган фоҳишалар орасида уларнинг сутенершаси ҳам бор экан.
Тергов давомида унинг Ҳиндистонда уч йилдан бери яшаши маълум бўлди. Бир
қанча қизлар сутенерша билан яшашган, қолганлари эса алоҳида квартира
ижарага олишган. Ҳинд газетасининг хабар беришича, қизларнинг ойлик
даромади 200 минг рупийдан (деярли 4500 АҚШ доллари) кўпроқ бўлган.
Uznews.net
07.02.11
|
