 |
| Гулнора Каримова; gulnarakarimova.com |
WikiLeaks: Каримова Ўзбекистоннинг газ бозорини назорат қилмоқда Uznews.net
18.02.11 - Ўзбекистон президентининг катта қизи Гулнора Каримова Ўзбекистон газ
экспортининг 80 фоизини назорат қилади ва Швейцарияда рўйхатга олинган
"Зеромакс” компаниясининг хўжайини ҳисобланади, дея ëзади Le Temps
газетаси WikiLeaks га асосланиб.
WikiLeaks орқали америкалик дипломатларнинг ëзишмаларини ўқиш имконига
эга бўлган Швейцариянинг Le Temps газетаси 17 феврал куни президентнинг
"биринчи қизи”, Ўзбекистоннинг Женевадаги БМТ ваколатхонасидаги ва
Испаниядаги элчиси Гулнора Каримованинг бойлик орттиришидаги
манбарларданб бири ҳақида ëзди.
АҚШ элчихонаси ва Вашингтон ўртасидаги ëзишмаларнинг тасдиқлашича,
Каримова Швейцарияда рўйхатга олинган "Зеромакс” компанияси орқали
Ўзбекистон газ экспортининг 80 фоизини назорат қилади.
2007 йил деб кўрсатилган АҚШ элчихонасининг махфий хатларидан биттасида
"Гулнора Каримованинг "Зеромакс” орқали собиқ СССРда газ ишлаб чиқариш
бўйича учинчи ўринда турувчи углеводород секторини мустаҳкам назорат
қилаëтгани” айтилади.
Ислом Каримовнинг 38 яшар қизи "ҳамма шартномаларни имзолашда асосий даллол” дейилади махфий хат давомида.
Ўша йили АҚШ элчихонаси ëзган хатда 2010 йил август ойида банкрот деб
эълон қилинган "Зеромакс” Швейцариянинг Ўзбекистондан асосий грант
олувчиси бўлган. Бу Швейцарияни Ўзбекистоннинг иккинчи савдо ҳамкори
бўлишига олиб келган.
Le Tempsнинг ëзишича, америкалик дипломатлар "Зеромакс” компаниясининг
бир йиллик пул айланмасини 3 миллиард доллар деб баҳолашган. Бу
Ўзбекистоннинг йиллик даромадининг 10 фоизини ташкил қилади.
2008 йилдан бери Гулнора Каримова Швейцариянинг ажойиб Кологни
шаҳарчасида яшайди. Буни америкалик дипломатлар икки сабаб билан
изоҳлашади:
Унинг Ўзбекистоннинг Женевадаги ваколатхонасига элчи этиб тайинланиши
"Зеромакс” устидан ўз назоратини тўлиқ ўрнатиш билан боғлиқ ëки отаси
ҳукуматни қўлдан бой берган ва мамлакатдан чиқиб кетиши зарур бўлган
тақдирда келажак учун замин тайëрлаш билан боғлиқ.
Uznews.net
|
