Яна бир ўзбек қочқини очлик эълон қилди.
Қозоғистоннинг Олмаота шахрида яшаб келаётган Ўзбекистонлик қочқинлардан яна бири очлик эълон қилди.
"Мен
хозир, 2011 йилнинг 18 феврал куни соат кундузи 2 дан бошлаб, УВКБ ООН
(БМТнинг Қочқинлар бўйича Олий комиссари) идораси олдида очлик эълон
қилдим. Қўлимда, "БМТ менинг хуқуқларимни бузма” деган плакат бор” деди
ЯНГИ ФИКР билан телефон алоқаси пайтида, 20 ёшли ўзбек қочқини Отабек
Абдувалиев.
1991
йил, Андижон шахрида туғилган Отабек Абдувалиев, Бирлашган миллатлар
ташкилотининг Қочқинлар бўйича Олий комиссари Олмаота идорасига 2009
йилнинг бахорида, рафиқаси Мохира билан мурожат қилганди. Орадан 2 ой
ўтгач улар бошпана изловчи шахслар сифатида рўйхатга олинган эди.
2010
йилнинг январидан бошлаб, Қочқинлар бўйича Олий комиссари идорасининг
ваколатлари Қозоғистон миграция Департаментига ўтказилгач, нафақат
Отабекнинг, балки барча ўзбек қочқинларининг Қозоғистонда юришлари
хавфли бўлиб қолди.
Қозоғистон
миграция Департаменти, негадир, хамма қочқинларнинг мақомларини бекор
қилди. Кейинчалик эса, Ўзбекистон хукуматининг сўровига кўра, ўзбек
қочқинларини Ватанига қайтариб юбориш учун уларни хибсга ола бошлади.
29
нафар қочқинннинг, эстрадиция учун хибсга олиниши ортидан, хозирча
очиқда қолаётган бошқа қочкинлар хам қаттиқ тайзиқларга учрамоқдалар.
"Кўчада
юришимиз қийин. Учраган патрул дархол ушлаб олиб бориб, уриб сўкиб
пулимизни олади. Хақ хуқуқларимизни хеч ким химоя қилмаяпти. УВКБ ООН
эса, хамма нарсани кўриб кўрмаганга оляпти. Мен ўзимнинг ва рафиқамнинг
ахволи хақида шу идорадаги Холида исмли ходимага арз қилгандим, у "Бизга
бунақа муаммоларни кўтариб келма” деб хайдаб солди” дейди Отабек.
Хозирча Отабек Абдувалиевнинг олдига БМТнинг Қочқинлар бўйича Олий комиссари Олмата бўлими ходимларидан хеч ким чиққани йўқ.
Воқеалар ривожини кузатиб борамиз.
| 
