Ўзбекистон фуқаролик сектори аъзолари АҚШ Давлат департаментига петиция йўллади

Ўзбекистон ва унинг ташқарисида қўним топган ўнлаб фуқаролик сектори, мухолифат вакиллари ҳамда бадиий ижод аҳли АҚШ Давлат департаментига, 8 март куни тантанали равишда топширилиши кутилаётган Халқаро "Жасоратли аёл” мукофотининг бу сафарги совриндорлари орасида Қирғизистон президенти Роза Ўтинбоеванинг борлигига таажжуб билдириб, петиция йўллашга аҳд қилди. Петиция остига имзо чекканлар АҚШ Давлат департаментининг Қирғизистон президентига мукофот топшириш аҳдидан ниҳоят даражада ҳайратда эканликларини маълум қилган, зеро уларнинг фикрича, одатда бу нуфузли мукофот инсонларнинг асосий ҳуқуқ ва эркинликлари учун курашда фаол ва пешқадам бўлган аёлларга топширилиши кўзда тутилган.

Петиция муаллифларига кўра, илк бор бу мукофот асосий қонунлар мутлақо инобатга олинмай қўйилган ва бунда шахсий иштироки ҳам бор бўлган мамлакат раҳбарига топширилмоқда. Боз устига бу мамлакатда икки бора давлат тўнтариши бўлди ва икки сафар ҳам ҳокимият бир жиноятчининг қўлидан бошқасиникига ўтмоқда, ҳар куни мамлакат фуқароларининг асосий қонунлари бузилиб келмоқда ва ниҳоят, бу мамлакатда мунтазам равишда инсоният ва миллатларга қарши жиноятлар содир этилмоқда. Петиция иштирокчилари фикрича, Р.Ўтинбоева бу йилги мукофот совриндорларининг энг муносиби бўлиши мумкин, "аммо у давлатнинг муносиб раҳбари эмас”, зеро минглаб одамларнинг ўлим топиши ва азият чекишининг олдини ололмади, ҳокимият ва ҳуқуқ-тартибод органлари эса ҳамон жиноятчи тўдалар қўлида.

"Шу боис биз жиддий тарзда АҚШ Давлат департаментини Қирғизистон жанубида бўлиб ўтган этник тозалаш туфайли юзлаб нобуд бўлганлар хотираси учун ҳали вақт борлигида бу мамлакатнинг ўтиш даври президентига илтифот кўрсатиш аҳдидан қайтишга чақирамиз. Бунинг ўрнига биз, Қирғизистондаги инсон ҳуқуқлари ҳимояси йўлида чинакамига қаҳрамонларча фаолият олиб бораётган, фуқаролик сектори ва демократия йўлидаги фидойилар бўлмиш, айни мукофотга чин маънода муносиб аёлларни тақдирлашга, бу нуфузли мукофотни топшириш билан боғлиқ ёрқин анъанани бузмасликка чақирамиз”, дейилади петицияда.

Аввал хабар қилинганидай, АҚШ Давлат департаменти бу йилги "Жасоратли аёл” Халқаро мукофотини, Қирғизистон президенти Роза Ўтинбоевага топширишни лозим топган. АҚШ расмийлари фикрича, Роза Ўтинбоева Қирғизистон равнақи учун узоқ йиллардан бери тер тўкиб, жасорат кўрсатиб келаётган аёл. Дапертамент томонидан таъсис этилган мукофот ҳам айнан жамият тараққиёти учун узоқ йиллардан бери курашиб келаётган, ҳуқуқ ва адолат йўлида жасорат кўрсатган, халқ хизматида юрган аёлларга топширилади. АҚШ Давлат Департаменти фикрича, Роза Ўтинбоева айнан ана шундай аёллардан. Мукофотни топшириш маросими, Давлат департаментининг Dean Acheson Auditorium залида бўлиб ўтади. Тадбирда Давлат департаменти котиби Хиллари Клинтондан ташқари АҚШ президентининг рафиқаси Мишель Обма хоним ҳам иштирок этади.

Мазкур воқеа юзасидан муносабат билдирар экан, таниқли ҳуқуқ ҳимоячиси муқаддам айнан ана шу "Жасоратли аёл” мукофоти совриндори Мўътабар Тожибоева "мен Роза Ўтинбоевадек ўзбек ҳалқи қотилларининг "онаси”га мукофотдош бўлишни истамайман”, деди. Таниқли журналист, Улуғбек Ҳайдаров бу воқеа юзасидан билдирган муносабатида эса "Озод сўз, эркин фикр учун қамалиб чеккан азобларим бугун, АҚШ Давлат департаменти етказган азоб олдида арзимас бўлиб қолди”, дея таъкидлади. Нашримиз орқали дунё жамоатчилигига мурожаат билан чиққан қирғизистонлик қочқинлар эса АҚШ Давлат департаментининг бу қарорини "Қирғизстондаги қирғинни "қирғизларнинг тўла ғалабаси” билан тугагани ва ўзбек миллатига қарши геноциднинг ҳалигача муваффақиятли давом этаётгани учун берилган муносиб мукофотдир”, дея баҳолади.

Jarayon.com

Таҳририятдан: Қуйида петиция матни келтирилмоқда, унда иштирок этишни истаганларга ўз аҳдларини мана бу линк орқали (http://www.ipetitions.com/petition/noawardtootunbaeva/) амалга оширишлари мумкинлигини эслатиб ўтамиз.

The Petition

We are all here undersigned, express our indignation US Department of State’s decision to award the Kyrgyz transitive President Roza Otunbaeva with International Woman of Courage Award.
The prestigious women’s prize still accrue only to those who had always been at the frontline of struggle for fundamental rights and freedoms, for the first time goes to the head of state.

The state where:

- it is itself a major violator of its own laws;

- the people twice within a decade overthrew the government but it passes from hands of some criminals in the hands of others;

- every day are grossly violated the fundamental rights of its citizens;

And finally, the state in which systematically occuring the crimes against humanity by nationality.

Perhaps Mrs Otunbaeva is the best candidate for the award this year, but not head of state who did not prevent death and suffering of thousands of people at the hands of bandits and the state’s law enforcement bodies.

Therefore, we urge the US Department of State in time to abandon the intention to honor the head of the transitional government as a sign of respect to the memory of hundreds killed during the ethnic cleansing in southern Kyrgyzstan. Instead, we urge to encourage outstanding women, human rights defenders of Kyrgyzstan for their heroism, supporting civil society of this country and democracy and not to violate the glorious tradition of awarding this prestigious prize.