Ҳуҳуқуқ ҳимоячиси калтакланди
Зиёдулло Раззоқов маҳаллий мактаб директори Бахтиёр Элмуродов томонидан калтакланди.
3-октябр куни Инсон Ҳуқуқлари Халқаро Жамияти(ИХХЖ)нинг Жиззах вилояти бўйича раиси Зиёдулла Раззоқов маҳаллий мактаб директори томонидан калтакланди.
Айни пайтда Жиззах вилоят Зарбдор тумани 1 сонли мактаб ўқитувчиси бўлган Зиёдулло Раззоқов, шу мактаб директори Бахтиёр Элмуродов томонидан навбатдаги пахта теримидан сўнг ўқувчилар ва ўқитувчилар уйга қайтаётганида калтакланди.
Элмуродов узоқ йиллар Зарбдор туман халқ таълими бўлимини бошқариб келган, Раззоқов эса, ҳуқуқ ҳимоячиси сифатида унинг ишдаги камчиликларини кўрсатиб турли даражада уни танқид остига олиб келган.
Шу йилнинг июлида Элмуродов, узоқ йиллардан бери Раззоқов ишлаб келаётган мактабга директор этиб тайинланади, шу билан эски зиддиятлар янада авж олади.
19-сентябр куни Раззоқов «Озодлик» радиоси мухбирига интервью бериб, 8-9 синф ўқувчиларини 60 тадан "қопдаги картошкадай” юк машиналарига ортиб теримга олиб кетишаётгани ҳақида гапириб беради.
28-сентябр куни ўша радиостанцияга берган янги интервьюсида, Раззоқов, далага транспортировка ва ортга қайтиш учун ўқувчилардан 400ўқувчилар ўз ёнидан 400 сўмдан пул тўлаб, сўмдан уриб қолинаётгани ҳақида айтади. Шунингдек, фермерлик даласида пахта теримчиларига нафақат қайнатилган сув, балки ҳеч қандай сув берилмаётгани ҳақида гапиради.
3-октябр куни Халқ таълими мудири, Олий Мажлис сенатори Куракбай Эргашев ва туман бўлими мудири Комил Ўролов тўппа тўғри пахта даласида туриб Элмуродовдан ўз аризасига кўра ишдан бўшатилгани ҳақидаги аризани олишади.
Шундан сўнг у бутун аламини ўқитувчи Раззоқовдан олишга қасд қилади, аввалига унга қичқира бошлайди, кейин эса муштумзўрликка ўтади.
Қонига беланган Раззоқовни тезкор тиббий ёрдамнинг Бўстон бўлимига етказишади, унга биринчи ёрдам кўрсатиб, ишни милицияга оширишни ваъда бериб жўнатишади.
Келаси куни, 4-октябрда, Раззоқовнинг уйига участка милиционери келиб, ундан бўлиб ўтган воқеа юзасидан кўргазма олади.
Раззоқовнинг сўзларига кўра, агар иш қонуний якун топмаса, у вилоят прокуратурасига ва Миллий ҳавфсизлик хизмати вилоят бўлимига шикоят қилишини билдирган.
http://www.ozodlik.org/content/article/24348806.html
05.10.11
|