Главная » 2011 » Октябрь » 18 » Пахта қурбони комадан чиқди, аммо терговдан дарак йўқ...
21:26 Пахта қурбони комадан чиқди, аммо терговдан дарак йўқ... |
Пахта қурбони комадан чиқди, аммо терговдан дарак йўқ...
 Ўзбекистонда пахта теримидан қайтаётганида машина уриб юбориши ортидан қаттиқ жароҳатлар олиб, кома ҳолатига тушган 13 ёшли Баҳодир Пардаев ҳушига келган.
Қарши вилоятидаги Чироқчи туманида яшовчи 7-синф ўқувчиси мия жароҳатланиши ва оёқ-қўллари синиши ортидан уч ҳафтадирки касалхонада беҳуш ётганди.
бу ерга босинг Ҳалокат Чироқчи-Қарши йўлида юз берганди.
Баҳодир аввал Чироқчи туман марказий шифохонасига олиб борилган, бироқ аҳволида ўзгариш бўлмагач, Қашқадарё вилояти шошилинч тез тиббий ёрдам шифохонасига ётқизилганди.
Унинг мисоли Ўзбекистондаги пахта теримига болалар мажбуран жалб қилиниши ҳақидаги даъволарни яна бир бор кун тартибига олиб чиқди.
Ўзбекистон ҳукумати икки йил муқаддам болалар меҳнатига қарши икки муҳим конвенцияни ратификация қилган, аммо фуқаровий жамият фаолларига кўра, амалдаги вазият ўзгаришсиз қолмоқда.
Бир қатор халқаро ташкилотлар ўзбек пахтасини бойқот қилиш йўлида бир неча йилдан бери кампания олиб бормоқдалар.
Ўзбекистонлик инсон ҳуқуқлари фаолларига кўра, Ўзбекистондаги иқтисодий шароит тубдан ўзгармас экан болалар меҳнатидан фойдаланиш давом этаверади.
Баҳодир Пардаевнинг ота-онасига кўра, унинг аҳволи билан на маҳаллий расмийлар ва на терговчи қизиқмоқда.
Улар гумондор шахс ҳануз жавобгарликка тортилмаганини айтишади.
Ўсмирнинг отаси Адҳам Мустаев Би-би-си билан суҳбатда ҳозирда мақсади "ўғлини оёққа турғизиб олиш" эканини айтди.
Адҳам Мустаевга кўра, ўғли ўзига келиб, овқатлана бошлаган.
Шифокорлар Баҳодирнинг "икки-уч кунда" тўла ўзига келишини маълум қилганлар.
|
|
Категория: БОЛАЛАР МЕХНАТИ |
Просмотров: 989 |
Добавил: himoyachi
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
