Ўз ҳуқуқини билмаган халқ ҚУЛДИР!
"Ёшларимиз биздан кўра кучли, доно ва албатта бахтли бўлишлари шарт!”
И.А.Каримов
Ўзбекистон Республикаси ҳудудида жойлашган ўрта, ўрта
махсус ва олий ўқув юртларида таҳсил олаётган талаба-ўқувчиларнинг
билим савияси талаб даражасидами?
Аҳволни қишлоқ ҳудудида жойлашган
мактаблар томонидан ўрганадиган бўлсак, бугунги кунда қишлоқ
мактабларида 9 ойлик ўқув йилининг деярли ярмини ўқувчилар далада
ўтказмоқдалар. Билим бериш савияси жуда паст.
Бизлар бугун мақтаб юрган даҳоларимиз ўсиб-улғайган
жойдан, нега бундай табаррук зотлар эндиликда чиқмаяпти?
Вилоят ва туман ҳокимликлари ташаббуси билан,
ўқувчиларимиз пахта далаларида сарсон-саргардон юришибди. (Мактаб
директорининг таьбирича, маҳаллий ҳокимликлар болаларни пахта даласига
чиқаришга мажбур этмоқда.) Жаҳон давлатлари ривожланиб, ишчи кучини
техникага алмаштираётган бир пайтда, бизниг давлатимиз халқаро ва
махаллий қонун ҳужжатларини бузиб, болаларни пахта далаларида
эксплутатсия қилмоқда!
Юқори синф 8 ва 9-синфларнинг айрим ўқувчилари,
иқтисодий, аҳволнинг оғирлиги сабабли, мактабни ташлаб Россия ва
Қозоғистон ҳудудида мардикор бўлиб ишлашмоқда.
Чунки қишлоқ ҳудудида аҳоли умуман иш билан
таьминланмаган. Аҳоли асосан чорвачилик, деҳқончилик ва
мардикорчиликдан кун кўришмоқда.
Афсуски, аччиқ бўлса ҳам тан олиш зарур:
1. Ҳозирги кунда ёшларимиз осон йўл билан пул топиш (чет элда ишлаш)
илинжида юришибди. Чунки ўз умрини билим беришда ва ҳаёт сирларини
ўргатишга сарфлаган устозларининг ҳурмати (раҳматли Ҳ. Тожибоев
айтганидек, тракторчиларникидан ҳам тушиб кетди.) деярли қолмади.
Ўқитувчиларимиз, ендиликда "универсал” ишчиларга айланмоқда!
Гарчанд, совет давлати тоталитар бўлса-да, таьлимга,
спортга, маориф ва маданиятга катта аҳамият берар эди. Ўзбекистонда
бепул таьлим жорий этилган бўлса-да, репетиторларнинг салоҳияти ошиб
бормоқда!
Шаҳар мактабларида эса, айрим ўқувчилар
"замонавийлашган”. Муомала маданияти умуман йўқ. Бунга сабаб эса,
муҳитнинг шундай даражада шаклланиши! Ота-оналаримизнинг болалар
тарбиясида бефарқлиги натижасида келиб чиқмоқда. Иқтисодий шароит
натижасида, кўплаб ота-оналар чет элларда ишлаб келишмоқда ва болалар
тарбияси билан эса деярли ҳеч ким шуғулланмаяпти! Мактаб ўқувчилари,
китоб ўқиб, дарсини таёрлаш ўрнига, фойдасиз сайтларга кириб,
вақтларини беҳуда ўтказишмоқда! Ҳозирги кунда ҳеч ким кафолат бера
олмайди, бундай сайтлар болаларни тўғри йўлга бошлайди деб.
АФСУСКИ! Хозирги кунда юртимиздаги мактабларнинг
бирида, юқори синф ўқувчилари 1 синфда таҳсил оладиган қизни яланғоч
ҳолда суратга олиб, уни тарқатишган. Яна мактабларнинг бирида, юқори
синфда таҳсил олаётган ўқувчиларнинг бири, мактаб "Лидерство” лиги
учун курашиб, бир-бирини пичоқлаган. Бундай мисолларни кўплаб келтириш
мумкин. Лекин, бундай масалаларга бефарқ бўлиб қолганмиз!
Зероки, Келажак-ёшлар қўлида!
|
