Медицина 14 асрдан бери билинган ҳақиқатни аниқлади

Она сути гўдаклар учун нақадар муҳим ва тенгсиз озуқа манбаи эканлиги кун ўтган сари яна ҳам ойдинлашмоқда. Ривожланган технологияга қарамасдан сунъий сутлар ёки кашалар ҳали ҳам она сутининг ўрнини тўла босолмади. Илмий тадқиқотларда она сутининг таркиби ниҳоятда мураккаб экани кўрсатилмоқда. Она сутида сигир сутидан фарқли бўлган протеин мавжуд. Бу протеиннинг сигир сутидаги протеиндан фарқи, у аллергик реакцияларга йўл қўймайди. Ёғ кислоталари, карбоногидратлари каби бир неча тур озуқа манбалари энг идеал миқдор ва даражада она сути таркибида мавжуд. Бу турли хил озуқаларнинг таркиблари ҳам гўдакларнинг ҳақиқий эҳтиёжларига мосдир.Масалан, она сутида бўлмаган ва инсон миясининг ривожланишида муҳим роли бўлган таурин аминокислота она сутида бор. Она сути мукаммал озуқа манбаи бўлиши билан бирга гўдакларни ҳар хил инфекциялардан ҳам қўриқлашда муҳим аҳамият касб этади. Она сути орқали болага ўтган иммуниглобинлар гўдакни 6 ойга яқин микробли касалликпардан асрайди. Она сутида сигир сутида учрамайдиган камида 100 хил модда бор. Бола эмизишнинг она учун фойдали томонлари мавжуд. Энг муҳимларидан бири шуки, гўдак эмизган оналарда кўкрак ракига қарши иммунитетлар пайдо бўлади. Она сутининг аҳамияти хусусида гап кўп. Ўтказилаётган янги тадқиқотлар бу мавзудаги маълумотларни яна ҳам кўпайтирмоқда. Бу янгиликларнинг бири дунёнинг энг машҳур журналларидан бири «Лансет»да чоп этилган. Яқин замонларга қадар Дунё Соғлиқ Қўмитаси учинчи дунё (қолоқ) мамлакатларида яшаган оналарга 2 ёшга етгунча эмизишни тавсия қилди. Фақат бир ёшдан кейин эмизишда давом этишнинг аҳамиятини ўрганган айтарли илмий тадқиқот мавжуд эмасди. Лансетда босилган янги илмий мақолада икки ёшгача эмизиш болаларнинг ўсиши ва ривожланишига жуда катта фойдаси айтилади. Бу ҳақиқатга Қуръони Карим да урғу берилган.