ҲОМИЙЛИК АСОСИДА ЖОМЪЕ МАСЖИДИНИ ҚУРИШ УЧУН БЎШ ЕР МАЙДОНИ СЎРАБ ЧИҚҚАН КАРМАНАЛИК БИР ГУРУҲ НУРОНИЙЛАР НАВОИЙ ВИЛОЯТИ ҲОКИМИ ҚОБИЛ ТУРСУНОВ ВА КАРМАНА ТУМАНИ ҲОКИМИ ФАХРИДДИН УМАРОВЛАР ТОМОНИДАН АЛДАБ САРСОН ҚИЛИНИШИДАН НОРОЗИ! -Биз бор-йўғи ташландиқ қаровсиз бўлган бир майдоннигина сўраб икки йилдирки оввораю сарсонмиз. Ҳокимларимиз бизни алдашни нарига ўтмаётир. Идорама-идора юриб чарчадик ахир – дейди кекса нуроний Мурод Абдуллаев. Ўзбекистон РеспубликасинингПрезиденти Шавкат Мирзиёевга Нусхаси: Ўзбекистон Республикаси Олий мажлис сенати раисига Нусхаси: Ўзбекистон Республикаси Бош прокурорига Навоий вилояти Кармана тумани Каттамачит МФЙ Каттамачит Кўчаси 9-уйда яшовчи Абдуллаев Муродулло бобо ва бир гуруҳ нуронийлар томонидан

Ш И К О Я Т    А Р И З А

Муҳтарам Президент! Биз бир гуруҳ нуроний кексалар номидан Сизнинг мамлакатимизда одилоналик ва оқилоналик билан юритиб келаётган сиёсатингиз самараси ўлароқ нафақат халқимизга балки биз кекса нуронийларга ҳам юксак эътибор қаратилиб мурожаатларимизни ўз вақтида тинглаш ва муаммоларимизни ўз ўрнида ечишдек имкониятлар яратилди. Бироқ шунга қарамай вилоятимизда биз нуроний кексаларни тинглайдиган бирор мутасадди топилмаётир. Чунки кекса нуронийлар ва фахрийлар биргаликда вилоят ҳокими, Кармана туман ҳокими, вилоят халқ қабулхонаси бошлиғи ва ҳатто мутлақо фаолият юритмай халққа нафи тегмай келаётган сенаторимиз Сатторова Гулчеҳралар номига икки йилдирки тинимсиз равишда мурожаатлар йўллаб ҳаттоки кекса ҳолимизда уларнинг қабулхоналарига тинимсиз равишда қатнаб ҳам биргина ҳақли талабимиз яъни биз кексалар жума намозини ўқиб келаётган Жомъе масжидимиз Хўжам Сабр Ота масжиди 1850 йиллар атрофида қурилгани боис ўта яроқсиз ҳолатга келиб қолганлигидан фойдаланиш имконияти бўлмаётир. Шу боис нуронийлар йиғилишиб ўз ҳисобимиздан биз кексаларга қулайроқ бўлган ҳудуд яъни йўл ёқасида жойлашган ва айни пайтда фойдаланилмай қаровсиз бўлиб ётган Кармана йўл қурилиши бўлимига қарашли эски меҳмонхона(эски дор отдель) биноси ўрнида хайрли ишимизни амалга ошириб Жомъе масжиди тиклашимиз учун ажратилиб берилишида ҳуқуқий-амалий кўмак сўраб мурожаат қилмоқдамиз. Бироқ на ҳокимликлар на халқ қвабулхонаси раҳбари ва на ҳеч кимга нафи тегмай келаётган сенатор Г.Сатторовалар томонидан “Отанга бор онанга бор!” қабилида сарсон қилиниб, шикоятларимиз инобатга олинмаётир. Муҳтарам Президент! Биз кексаларни вилоятимиз мутасаддилари томонидан нега сарсон қилинаётганимизни тушунмаяпмиз. Ахир биз бор-йўғи улардан эл корига ярайдиган бир хайрли иш учунгина ҳар томонлама қулай ва айни пайтда қаровсиз қолиб кетган ер майдонини ажратишларинигина сўраётирмиз. Моддий маблағ сўрамаяпмиз-ку! Наҳотки шунинг ҳам имкони бўлмаса? Пулдор тадбиркор сотиб оламан деса йўл ёқасидан дарров ер майдони топиладику ахир! Нега бизнинг хайрли ишимизга қолганда ер майдони ажратилмаётир?Наҳотки кекса ҳолимизда идорама-идора юриб сарсон бўлишимиз ҳокимликларимизга маъқул иш бўлса? Ахир мурожаатларимиз сони ўндан ошди. Юзга бориши шарт эмасдир-ку? Яна неча йил оввораю сарсон бўлиш миз керак? Муҳтарам Президент! Сиздан илтимос, юқоридаги ҳолатлар юзасидан қонуний ўрганишлар олиб борилиб, биз кексаларнинг бошламоқчи бўлган хайрли ишимизни амалга оширишимизда лозим бўлган ҳудуддан ер майдони ажратилишида ҳуқуқий-амалий кўмак беришингизни илтимос қилиб сўраймиз. Қўлимда кўп сонли кексалар томонидан имзоланган илгариги шикоятларимизнинг мутасаддилар томонидан имзоланиб қабул қилиб олинган нусхалари ҳам бор. Абдуллаев М. 21.04.2018 йил.