ПРЕЗИДЕНТ ҚАБУЛИНИ СЎРАГАН ЁШ БОЛАЛИ АЁЛЛАР “ПАНЕЛЬНЫЙ”ГА” ТИҚИБ ҚЎЙИЛДИ
2018 йилнинг 23 июль куни эрталаб соат 8.00-8.30 да 25-30 яқин фуқаролар ўз муаммолари юзасидан билан Президент девони қабулхонасининг биноси олдида ҳозир бўлдилар.
Ўз Конституциявий ҳуқуқларини талаб қилиб чиқан фуқаролар орасида Қашқадарё, Навоий каби турли вилоятлардан келган жабирдийдалар бўлган. Эрталаб Мирзиёев Президент девони биносига яқин қолганида махсус хизмат (ИИБ ва ДХХ) ходимлари аҳолининг норози қатламига Шавкат Миромоновичнинг кўзи тушмаслиги учун норози халқ вакилларини автобуслар кўмагида тўсиб қўйган ва норозиларни куч ишлатиш йўли билан мажбурий тарзда автобусга тиқиб, Яккасарой туман ИИБ биносига олиб кетилган.
5 соатдан ортиқ вақт давомида туман ИИБ биносида ушлаб турилган фуқароларнинг айримлари ажратиб олинган ва жавоб бериб юборилган.
Яккасарой туман ИИБ ходимлари аҳолининг 25-30 нафар норози қатлами орасидан нима учундир фақтагина 12 тасини маъмурий жавобгарликка тортишга аҳд қилган.
Натижада, Президент қабулига ошиққан 12 нафар фуқародан 6 нафари огоҳлантириш билан қутилиб қолган, қолган 6 нафарига 12 кунлик қамоқ жазоси туйинлашни маъқул кўрган.
Тошкент шаҳар Сирғали туманидаги ома орасида машҳур бўлган “Панельный” деб аталмуш ваытинча сақлаш хибисхонасига 12 кунлик муддатга “путёвка” берилган фуқаролардан айна дамда 3 нафарининг шахсигина бизга маълум: Гулбаҳор Каримбекова (3 нафар вояга етмаган фразанди бор), Зульфия Худойберганова (1 нафар эмизикли бемор боланинг онаси), Х. Рўзимуродова (Қашқадарё вилоятидан).
Қолган 3 нафар фуқаро шахси ҳозирча бизга номаълумлигича қолмоқда.
- Каримбекова билан Худойбергановага қамоқ жазоси тайинланиши Ўзбекистон Республикаси Маъмурий жавобгарлик тўғрисидаги кодекснинг 29-моддаси талабларига зид, - дейди биз билан суҳбатда ҳуқуқбон Шуҳрат Рустамов, - Чунки бу моддада вояга етмаган фарзандлари бўлган аёлларга қамоқ жазосини тайинлаш таъқиқланган. Умумий олганда, мана шу 12 нафар фуқароларнинг судланиши Конституция талабларига ўта зид. Ўз Конституциявий ҳуқуқларини талаб қилиб чиққан фуқаролар Конституцион ҳуқуқларини таъминламай туриб жавобгарликка тортилган.
Малоҳат ЭШОНҚУЛОВА
мустақил журналист, ҳуқуқбон.
| 
