Хамроқул Асқар
Ёвуз хитой режими турк дунëсининг буюк қўшиқчиси¸ дутор қироли Абдураҳим Ҳайитни қамоқда ўлдириб энг қабиҳ жиноят содир этди. Лекин, бу ёвузлар буюк ҳофизнинг қўшиқларини ўлдираолмаслар....
·Дедим:
«Саҳар вақти кўрдим кўзим султонин
Дедим: «Султонмисан?» У деди «Йўқ йўқ» .
Кўзлари ëлқинли¸ қўллар хиноли
Дедим «Чўлпонмисан ?» У деди: «Йўқ йўқ» .
Дедим: «Исминг нима?». Деди: «Ойхондир».
Дедим: «Юртинг қаер?» .Деди: «Турфондир».
Дедим: «Бошингда не?» Деди: «ҳижрондир».
Дедим: «ҳайронмисан ?» .У деди: «Йўқ йўқ» .
Дедим: «Ойга ўхшар..» Деди: «Юзимми ?»
Дедим: «Юлдуз каби..» Деди: «Кўзимми?»
Дедим: «Ёлқин сочар.» Деди: «Сўзимми ?»
Дедим: «Вулқонмисан?» У деди «Йўқ йўқ»
Дедим: «қиëқ надур?». Деди. «қошимдур».
Дедим «қундуз надур?» Деди: «сочимдур».
Дедим «ўн беш надур?» Деди: «ëшимдур».
Дедим «жононмисан?» У деди: «Йўқ йўқ» .
Дедим: «Денгиз надур?» Деди: «қалбимдур».
Дедим: «раъно надур?» Деди: «Лабимдур».
Дедим: «шакар надур?» Деди: «тилимдур».
Дедим: «бер, оғзимга» У деди: «Йўқ йўқ» .
Дедим: «занжир турар» Деди: «бўйнимда».
Дедим: «ўлим бордур..» Деди: «йўлимда».
Дедим: «билагузук?. Деди: «қўлумда».
Дедим: «қўрқармисан?» У деди: «Йўқ йўқ».
Дедим: «Нечун қўрқмайсан?» Деди: «Тангрим бор».
Дедим: «Яна нима?» Деди: «Халқим бор».
Дедим: «Яна йўқми?» Деди: «руҳим бор».
Дедим: «Хурсандмисан?» У деди: «Йўқ йўқ» .
Дедим: «Истак надур?» Деди: «Гулимдур».
Дедим: «Кураш бордур..» Деди: «Йўлимдур».
Дедим: «Ўткур кимдир». Деди: «қулимдур».
Дедим: «Сотармисан?» У деди:»Йўқ, йўқ».
|