Бизку ишонамиз бўлар қиёмат,
Бу дунё барчага, беш кун омонат.
Мезонлар бузулса, садоқат бўлмас,
Шараф ҳисобланар элга хиёнат.
Ўз халқин миллатин қирганлар қанча?!
Элин қон қақшатиб, кулганлар қанча?!
Жонфидолар ўрни қабр, зиндондир,
Замонасоз нокас, зўр, қаҳрамондир.
Юз йил бўлди аҳвол ўша, ўзгармас,
Бугун ҳам шу давр, ўша замондир!
Давру давронини, сурганлар қанча?!
Ҳаммани устидан кулганлар қанча?!
Зулм зўравонлик, кўрганлар айтсин,
Синовда мард бўлиб, турганлар айтсин.
Ўғри каззоблару, фирибгар, жаллод,
Қўлида қул бўлиб юрганлар айтсин.
Ор-номус шартини, бузганлар қанча?
Бировни йиғлатиб, кулганлар қанча?!
Бугун гапирамиз, фалон айбдор,
Шу сабаб балога, бўлдик гирифтор.
Бошқани айблаш осон, ва лекин,
Аслида бизда ҳам, бир оз айб бор.
Бугун нафсига қул, бўлганлар қанча?!
Мазлумлар устидан, кулганлар қанча?!
Жонини жабборга берганлар кимлар?,
Меҳнат ҳосилини, терганлар кимлар?.
Ўлимга тик қараб, чиққан одамга,
Тинмасдан ўқ отган, мерганлар кимлар?.
Бу йўлда жон берган, ўлганлар қанча?!
Ўлганлар устидан, кулганлар қанча?!
Саҳвий
2014 йил
